ವಿಕ್ರಾಂತ್ ರೋಣ ಚಿತ್ರದಲ್ಲಿ ರಾರಾ ರಕ್ಕಮ್ಮ ಸಾಂಗಿಗೆ ಮೈ ಬಳುಕಿಸುತ್ತಾ, ಕರ್ನಾಟಕದಲ್ಲಿಯೂ ಪ್ರಸಿದ್ಧಿ ಪಡೆದುಕೊಂಡಾಕೆ ಜಾಕ್ವೆಲಿನ್ ಫರ್ನಾಂಡಿಸ್. ಬಾಲಿವುಡ್ಡಲ್ಲಿ ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದರೂ ಈಕೆಗೆ ಅಂದುಕೊಂಡಂತೆ ನೆಲೆಗಾಣಲು ಸಾಧ್ಯವಾಗಿರಲಿಲ್ಲ. ಆ ಬಳಿಕ ಈಕೆ ಸುದ್ದಿಯಲ್ಲಿದ್ದದ್ದೆಲ್ಲ ನಟ ಸಲ್ಮಾನ್ ಖಾನ್ ಜೊತೆಗಿನ ಅಫೇರಿನ ವಿಚಾರದಲ್ಲಿಯೇ. ಇಂಥಾ ಜಾಕ್ವೆಲಿನ್ ಇದೀಗ ಇನ್ನೂರು ಕೋಟಿ ಕಿಮ್ಮತ್ತಿನ ಮಹಾ ಮೋಸವೊಂದರಲ್ಲಿ ತಗುಲಿಕೊಂಡಿದ್ದಳು. ಈ ಇನ್ನೂರು ಕೋಟಿ ವಂಟನೆಯ ಇಕ್ಕಳದಿಂದ ಬಿಡಿಸಿಕೊಳ್ಳಲಾರದೆ ಒದ್ದಾಡುತ್ತಿದ್ದಾಳೆ. ಸದ್ಯಕ್ಕೆ ಈ ಕೇಸಿನ ಸುತ್ತ ಇಡಿ ಅಧಿಕಾರಿಗಳು ಗಸ್ತು ಹೊಡೆಯುತ್ತಿರೋದನ್ನು ಗಮನಿಸಿದರೆ ರಾರಾ ರಕ್ಕಮ್ಮ ಅಂದವಳಿಗೆ ಜೈಲುವಾಸ ಫಿಕ್ಸಾದಂತಿತ್ತು. ಆದರೆ, ಆ ಕೇಸೀಗ ಮತ್ತೊಂದು ಮಗ್ಗುಲಿನತ್ತ ಹೊರಳಿಕೊಂಡಿದೆ!

ರಾಷ್ಟ್ರೀಯ ಮಟ್ಟದಲ್ಲಿ ಹೈ ಪ್ರೊಫೈಲ್ ವಂಚಕನಾಗಿ ಕುಖ್ಯಾತಿ ಪಡೆದಿರುವವನು ಸುಕೇಶ್ ಚಂದ್ರಶೇಖರ್. ಹೈಫೈ ಜನರನ್ನು ಪರಿಚಯ ಮಾಡಿಕೊಂಡು, ನಾನಾ ರೂಪದಲ್ಲಿ ಯಾಮಾರಿಸಿ ಕಾಸು ಪೀಕುವುದು ಸುಕೇಶನ ವಂಚನೆಯ ವರಸೆ. ಇಂಥಾ ಸುಕೇಶ ಇತ್ತೀಚೆಗೆ ಇನ್ನೂರು ಕೋಟಿ ವಂಚನೆ ಪ್ರಕರಣದಲ್ಲಿ ಇಡಿ ಕಣ್ಣಿಗೆ ಬಿದ್ದಿದ್ದ. ಈ ಪ್ರಕರಣದ ಸಂಬಂಧವಾಗಿ ವಿಸ್ತೃತವಾದ ತನಿಖೆ ನಡೆಸಿರುವ ಇಡಿ ಅಧಿಕಾರಿಗಳು ಚಾರ್ಜ್‌ಶೀಟ್ ಸಲ್ಲಿಸಿದ್ದಾರೆ. ಅದರಲ್ಲಿ ಬಾಲಿವುಡ್ ನಟಿ ಜಾಕ್ವೆಲಿನ್ ಫನಾರ್ಂಡೀಸ್ ಹೆಸರಿದೆ ಎಂಬ ಬಗ್ಗೆ ದೊಡ್ಡ ಮಟ್ಟದಲ್ಲಿಯೇ ಗುಲ್ಲೆದ್ದಿತ್ತು. ಯಾವಾಗ ಈ ಘನಗಂಭೀರ ಪ್ರಕರಣದಲ್ಲಿ ತನ್ನ ಹೆಸರು ಕೇಳಿ ಬಂದು, ಬಂಡವಾಳ ಬಯಲಾಗೋದು ಖಾತರಿಯಾಯಿತೋ, ಜಾಕ್ವೆಲಿನ್ ಆಜ್ಞಾತವಾಸ ಆರಂಭಿಸಿ ಬಿಟ್ಟಿದ್ದಳು. ಇದರಿಂದ ಬಚಾವಾಗುವ ಸಲುವಾಗಿ ದೇವರು ದಿಂಡಿರಿಗೂ ಮೊರೆಯಿಟ್ಟಿದ್ದಳು. ಅದಾದ ಬಳಿಕ ಒಂದಷ್ಟು ಕಾಲ ಸೋಶಿಯಲ್ ಮೀಡಿಯಾಗಳಿಂದಲೂ ಆಕೆ ಮಾಯವಾಗಿದ್ದಳು.

ಸುಕೇಶ್ ಚಂದ್ರಶೇಖರ್ ಇನ್ನೂರು ಕೋಟಿ ವಂಚನೆಯಲ್ಲಿ ತಗುಲಿಕೊಳ್ಳುತ್ತಲೇ ಅದರ ಸುತ್ತ ನಾನಾ ವಿಚಾರಗಳು ಹರಿದಾಡಲಾರಂಭಿಸಿದ್ದವು. ಆ ಪ್ರಕರಣದಲ್ಲಿ ಜಾಕ್ವೆಲಿನ್ ಹೆಸರು ಕೇಳಿ ಬರುತ್ತಲೇ ನೆಟ್ಟಿಗರು ಒಂದಷ್ಟು ಫೋಟೋಗಳನ್ನು ಬಗೆಬಗೆದು ತೋರಿಸಲಾರಂಭಿಸಿದ್ದರು. ಆ ಮೂಲಕ ಜಾಕ್ವೆಲಿನ್ ಮತ್ತು ವಂಚಕ ಸುಕೇಶನ ಆತ್ಮೀಯ ಸಾಹಚರ್ಯ ಬಟಾಬಯಲಾಗಿತ್ತು. ಈ ವಂಚಕ ಜಾಕ್ವೆಲಿನ್‌ಳನ್ನು ತಬ್ಬಿಕೊಂಡು ಮುದ್ದಾಡುವಷ್ಟು ಸಲುಗೆ ಹೊಂದಿದ್ದಾನೆಂದರೆ, ಆಕೆಯತ್ತ ಇಡಿ ಅಧಿಕಾರಿಗಳ ಕಣ್ಣು ಬೀಳದಿರಲು ಸಾಧ್ಯವೇ? ಹಾಗಾಗಿಯೇ ಇಡಿ ಅಧಿಕಾರಿಗಳು ಜಾಕ್ವೆಲಿನ್‌ಳನ್ನು ಪ್ರಶ್ನಿಸಿದ್ದರು. ಆರಂಭದಲ್ಲಿ ಸುಕೇಶನಿಗೂ ತನಗೂ ಸಂಬಂಧವೇ ಇಲ್ಲ ಅಂತ ವಾದಿಸಿದ್ದ ಜಾಕ್ವೆಲಿನ್, ಬಳಿಕ ಬೇರೆ ದಾರಿ ಕಾಣದೆ ಸುಕೇಶನೊಂದಿಗೆ ಡೇಟಿಂಗ್ ನಡೆಸುತ್ತಿರುವ ಸತ್ಯವನ್ನು ಕಾರಿಕೊಂಡಿದ್ದಳು.

ಈ ಸುಕೇಶ್ ಪ್ರಖ್ಯಾತ ಪೋರ್ಟಿಸ್ ಹೆಲ್ತ್ ಕೇರ್ ಸಂಸ್ಥೆಯ ಮಾಜೀ ಮುಖ್ಯಸ್ಥರಾದ ಶಿವಿಂದರ್ ಮೋಹನ್ ಸಿಂಗ್ ಪತ್ನಿ ಅದಿತಿ ಸಿಂಗ್ ಮತ್ತಿತರರಿಗೆ ಭಾರೀ ಮೊತ್ತದ ವಂಚನೆ ಮಾಡಿದ್ದ. ಆ ಹೊತ್ತಲ್ಲಿಯೇ ಜಾಕ್ವೆಲಿನ್‌ಳೋಮದಿಗೆ ಡೇಟಿಂಗ್ ಆರಂಭಿಸಿದ್ದ ಸುಕೇಶ್, ಒಂದಷ್ಟು ಉಡುಗೊರೆಗಳನ್ನು ಕೊಟ್ಟಿದ್ದ ಬಗ್ಗೆ ಇಡಿ ಅಧಿಕಾರಿಗಳು ಮಾಹಿತಿ ಕಲೆಹಾಕಿದ್ದರು. ಹಾಗೊಂದು ವೇಳೆ ಕಡಿಮೆ ಮೊತ್ತದ ಉಡುಗೊರೆ ಕೊಟ್ಟಿದ್ದರೆ ಜಾಕ್ವೆಲಿನ್ ಹೇಗೋ ಪಾರಾಗುತ್ತಿದ್ದಳೇನೋ? ಆದರೆ ಆಕೆ ಸುಕೇಶನಿಂದ ಪಡೆದುಕೊಂಡಿದ್ದ ಉಡುಗೊರೆಗಳ ಒಟ್ಟು ಮೊತ್ತ ಐದು ಕೋಟಿ ದಾಟುತ್ತದೆ!

ಹೀಗೆ ಜಾಕ್ವೆಲಿನ್ ಫರ್ನಾಂಡಿಸ್ ಜೊತೆ ಸಖ್ಯ ಹೊಂದಿರುವ ಸುಕೇಶ್ ಚಂದ್ರಶೇಖರ್ ಸಾಮಾನ್ಯ ಆಸಾಮಿಯೇನಲ್ಲ. ಈಗಿನ್ನೂ ಇಪ್ಪತ್ತೇಳು ವರ್ಷ ವಯಸ್ಸಿನ ಸುಕೇಶ್ ಮುಲತಃ ಬೆಂಗಳೂರಿನವನೇ. ಆರಂಭ ಕಾಲದಿಂದಲೂ ಹಡಬೇ ಕಾಸಿನ ಬೆಂಬಿದ್ದಿದ್ದ ಈತ, ತೀರಾ ಚಿಕ್ಕ ವಯಸ್ಸಿನಲ್ಲಿಯೇ ಅಡ್ಡದಾರಿ ಹಿಡಿದಿದ್ದ. ತನ್ನ ಹದಿನೇಳನೇ ವರ್ಷದಲ್ಲಿಯೇ ನಕಲಿ ಸಹಿ ವಿಚಾರದಲ್ಲಿ ಲಫಡಾ ಮಾಡಿಕೊಂಡು ಜೈಲುಪಾಲಾಗಿದ್ದ. ಆತ ಎಂಥಾ ಚಾಲಾಕಿಯೆಂದರೆ, ಜೈಲಿಂದ ವಾಪಾಸಾದ ಬಳಿಕ, ಸೆಲೆಬ್ರಿಟಿಗಳು ಮತ್ತು ರಾಜಕಾರಣಿಗಳ ನಂಟು ಬೆಳೆಸಿಕೊಂಡು ನಾನಾ ಪ್ರಕಾರಗಳಲ್ಲಿ ಕೋಟಿ ಕೋಟಿ ಮುಂಡಾಯಿಸಿದ್ದ. ನಂತರ ಕದ್ದ ಕಾಸಲ್ಲಿ ದೇಶ ಸುತ್ತುತ್ತಾ ತಲೆಮರೆಸಿಕೊಳ್ಳುತ್ತಿದ್ದ ಸುಕೇಶ್ ಇದೀಗ ಸರಿಯಾಗಿಯೇ ಸಿಕ್ಕಿಕೊಂಡಿದ್ದಾನೆ. ಆತ ಜಾಕ್ವೆಲಿನ್ ಫನಾರ್ಂಡೀಸ್ ಜೊತೆ ಡೇಟಿಂಗಿನಲ್ಲಿದ್ದಾನೆಂದರೆ, ಅವನ ಪ್ರಭಾವ ಎಂಥಾದ್ದಿರಬಹುದೆಂದು ಯಾರಾದರೂ ಊಹಿಸಬಹುದು. ಈತನ ಕಾಸಿಗೆ ಮರುಳಾಗಿ ಹಿಂದೆ ಹೋಗಿದ್ದ ಜಾಕ್ವೆಲಿನ್‌ಗೀಗ ಜೈಲೂಟವೇ ಪಕ್ಕಾ ಆಗಿದ್ದರಿಂದ ಬೇರೆ ಪಟ್ಟು ಪ್ರದರ್ಶಿಸಿದ್ದಾಳೆ.

ಅಷ್ಟಕ್ಕೂ ಹೈಫೈ ಬದುಕಿನ ಮತ್ತೇರಿಸಿಕೊಂಡಿರೋ ನಟಿಯರು ಅಡ್ಡದಾರಿ ಹಿಡಿಯೋದು ಹೊಸತೇನಲ್ಲ. ತಮ್ಮ ಖಯಾಲಿಗಳತ್ತ ವಾಲಿಕೊಳ್ಳುವ ಇಂಥವರು ದಿನವೊಂದಕ್ಕೆ ಲಕ್ಷದ ವರೆಗೂ ಖರ್ಚು ಮಾಡುತ್ತಾರೆ. ಕೆಲ ಸಂದರ್ಭಗಳಲ್ಲಿ ಸಿನಿಮಾ ಅವಕಾಶಗಳೂ ಗೋತಾ ಹೊಡೆದು ಬಿಟ್ಟರೆ, ಕಾಸಿಗೆ ಮತ್ಯಾವ ದಿಕ್ಕೂ ಇರುವುದಿಲ್ಲ. ಹಾಗೆ ಕಂಗೆಟ್ಟು ನಿಂತವರನ್ನು ಬುಟ್ಟಿಗೆ ಹಾಕಿಕೊಳ್ಳಲು ಸುಕೇಶನಂಥಾ ವಂಚಕರು, ಕಾಮುಕರು ಕಾದು ಕೂತಿರುತ್ತಾರೆ. ಕೋಟಿಗಟ್ಟಲೆ ಹಡಬೇ ಕಾಸನ್ನು ನಟಿಯರಿಗೆ ಸುರಿದು ಮಜಾ ಉಡಾಯಿಸೋದು ಸುಕೇಶನಂಥವರ ವಿಕೃತಿ. ಇಂಥವರ ಜಾಲಕ್ಕೆ ಜಾಕ್ವೆಲಿನ್‌ಳಂಥಾ ನಟೀಮಣಿಯರು ಸಲೀಸಾಗಿ ಸಿಲುಕಿಕೊಳ್ಳುತ್ತಾರೆ. ಕೋಟಿ ಕೋಟಿ ಬಾಚಿಕೊಳ್ಳುತ್ತಾರೆ. ವಂಚಕರೊಂದಿಗೆ ಸಿಕ್ಕಿಬೀಳುವ ಭಯ ಶುರುವಾದಾಗ ತಾವೇ ಸಂತ್ರಸ್ತೆಯರಂತೆ ನಟಿಸಲಾರಂಭಿಸುತ್ತಾರೆ. ಅಂಥಾದ್ದೇ ಚಾಲಾಕಿ ವ್ಯಕ್ತಿತ್ವದ ಜಾಕ್ವೆಲಿನ್ ಈಗ ಸುಕೇಶ್ ಪ್ರಕರಣದಲ್ಲಿ ನಿರ್ಣಾಯಕ ಹೆಜ್ಜೆಯಿಟ್ಟಿದ್ದಾಳೆ!

keywords: jacqueline fernandez, sukesh chandrashekhar, bollywood actress

The post Jacqueline Fernandez: ಸೈಕೋ ಸುಕೇಶ್ ಕಾಟದಿಂದ ರೊಚ್ಚಿಗೆದ್ದಳು ಸಖಿ! appeared first on Cini Shodha.

ಯಶ್ ಅಭಿನಯದ ಕೆಜಿಎಫ್ ಸರಣಿ ಗೆಲುವಿನ ಮೂಲಕ ಬಾಲಿವುಡ್ ಮಂದಿಯ ಅಳ್ಳೆ ಅದುರಿತ್ತು. ಅದು ದಕ್ಷಿಣ ಭಾರತೀಯ ಚಿತ್ರರಂಗದಿಂದ ಬಾಲಿವುಡ್ ನೆತ್ತಿಗೆ ಬಿದ್ದ ಬಹುದೊಡ್ಡ ಏಟು. ಯಾಕೆಂದರೆ, ದಕ್ಷಿಣ ಭಾರತೀಯ ಸಿನಿಮಾಗಳನ್ನು ಬಾಲಿವುಡ್ ಮಂದಿ ಅತ್ಯಂತ ತುಚ್ಛವಾಗಿ ನೋಡುತ್ತಾ ಬಂದಿದ್ದಾರೆ. ಅದರಲ್ಲಿಯೂ ಕನ್ನಡ ಸಿನಿಮಾ ರಂಗವನ್ನು ಲೆಕ್ಕಕ್ಕಿಟ್ಟುಕೊಳ್ಳದ ದುರಹಂಕಾರವೊಂದು ಬಾಲಿವುಡ್ಡಿಗೆ ಅಪಾದಮಸ್ತಕ ಅಮರಿಕೊಂಡಿತ್ತು. ಅಂಥಾ ಚಿತ್ರರಂಗದಿಂದ ತಯಾರಾದ ಚಿತ್ರವೊಂದು ಬಾಲಿವುಡ್ ಸಿನಿಮಾಗಳನ್ನೇ ಮಂಕಾಗಿಸಿ ಮೆರೆಯತ್ತದೆಂದರೆ ಹಿಂದೀವಾಲಾಗಳಿಗೆ ಅಂಡುರಿ ಬಾಧಿಸದಿರಲು ಸಾಧ್ಯವೇ? ಅಂಥಾ ಉರಿಯೆಲ್ಲವೂ ಧುರಂಧರ್ ಗೆಲುವಿನ ನಂತರ ಮತ್ತಷ್ಟು ಉಲ್ಬಣಿಸಿದೆ.

ಟಾಕ್ಸಿಕ್ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದ್ದರ ಹಿಂದೆ ಉತ್ತರ ಭಾರತದ ದಿಕ್ಕಿನ ವಿತರಕರಿಂದ ಬಂದ ಒತ್ತಡವೇ ಕಾರಣವೆಂಬ ವಾಸ್ತವಿಕ ಸುದ್ದಿಯೊಂದು ಹಬ್ಬಿಕೊಂಡಿದೆ. ಆದರೆ ಹಿಂದಿ ಮಂದಿ ಮಾತ್ರ ಧುರಂಧರ್೨ಗೆ ಹೆದರಿಯೇ ಟಾಕ್ಸಿಕ್ ಪೇರಿ ಕಿತ್ತಿದೆ ಅಂತೆಲ್ಲ ಟ್ರೋಲ್ ಮಾಡುತ್ತಾ ಸುಖಿಸುತ್ತಿದ್ದಾರೆ. ಅದೇ ಮಂದಿಯೀಗ ಧುರಂಧರ್೩ ಜೂನ್ ಹದಿನಾಲಕಕ್ಕೆ ಬಿಡುಗಡೆಗೊಂಡು ಟಾಕ್ಸಿಕ್ ಅನ್ನು ಮಣ್ಣುಮುಕ್ಕಿಸಲಿದೆ ಎಂಬರ್ಥದಲ್ಲಿ ಸುದ್ದಿ ಹಗರಿಯಬಿಡುತ್ತಿದ್ದಾರೆ. ಆದರೆ, ಧುರಂಧರ್ ಭಾಗವಾಗಿರುವವರೇ ಮೂರನೇ ಆವೃತ್ತಿಯ ವಿಚಾರವನ್ನು ತಳ್ಳಿ ಹಾಕಿದ್ದಾರೆ. ಒಟ್ಟಾರೆಯಾಗಿ ಟಾಕ್ಸಿಕ್ ಚಿತ್ರ ಗೆಲ್ಲಕೂಡದು, ಕನ್ನಡದ ಹೀರೋ ಥಂಡಾ ಹೊಡೆಯ ಬೇಕೆಂಬ ವಿಕೃತಿ ಹಿಂದಿ ವಾಲಾಗಳಿಗೆ ಇದ್ದಂತಿದೆ. ಅದು ಸುಳ್ಳಾಗಿ ಬಿಟ್ಟಿರೆ ಕನ್ನಡದ ಪ್ರೇಕ್ಷಕರ ಪಾಲಿಗೆ ಅದಕ್ಕಿಂತಲೂ ಖುಷಿ ಬೇರೇನಿರಲು ಸಾಧ್ಯ?

keywords: yash, toxic movie, dhurandhar, toxic v/s dhurandhar

The post dhurandhar v/s toxic war: ಯಶ್ ವಿರುದ್ಧ ಮತ್ತೆ ಬಾಲಿವುಡ್ ಮಂದಿಯ ವಾರ್! appeared first on Cini Shodha.

ರಶ್ಮಿಕಾ ಮಂದಣ್ಣ ಮದುವೆಗೆ ಮುಂಚೆಯೇ ಒಂದಷ್ಟು ಪ್ಯಾನಿಂಡಿಯಾ ಮಟ್ಟದ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಳು. ರಶ್ಮಿಕಾ ಕೈಲಿರೋ ಅಷ್ಟೂ ಚಿತ್ರಗಳಿಗಿಂತಲೂ ಮೊದಲು ರಣಬಾಲಿ ಚಿತ್ರ ಚಾಲೂ ಆಗುತ್ತದೆ ಎಂಬಂತೆ ಸುದ್ದಿಗಳು ಹಬ್ಬಿಕೊಂಡಿದ್ದವು. ಆದರೆ, ಮದುವೆ ನಂತರದಲ್ಲಿ ರಶ್ಮಿಕಾ ತಿಂಗಳುಗಟ್ಟಲೆ ಚಿತ್ರೀಕರಣದತ್ತ ಮುಖ ಹಾಕೋದು ಡೌಟು ಅಂತಲೇ ಬಹುತೇಕರು ಅಂದುಕೊಂಡಿದ್ದರು. ಅಚ್ಚರಿಯೆಂಬಂತೆ, ರಶ್ಮಿಕಾ ಬಹುಬೇಗನೆ ಚಿತ್ರೀಕರಣದ ಅಖಾಡಕ್ಕಿಳಿದಾಗಿದೆ. ಹಾಗಂತ ಆಕೆ ಶುರುವಿಟ್ಟುಕೊಂಡಿರೋದು ರಣಬಾಲಿ ಚಿತ್ರೀಕರಣವಲ್ಲ; ಮೈಸಾ ಚಿತ್ರದ ಶೂಟಿಂಗ್ ಇದೀಗ ಶುರುವಾಗಿದೆ!

ಮೈಸಾ ರವೀಂದ್ರ ಪುಲ್ಲೆ ನಿರ್ದೇಶನದಲ್ಲಿ ಮೂಡಿ ಬರಲಿರುವ ಚಿತ್ರ. ಮರುಭೂಮಿಯ ಪ್ರದೇಶದಲ್ಲಿ ಇದೀಗ ಚಿತ್ರೀಕರಣ ನಡೆಯುತ್ತಿದೆ. ಇದರ ಫೋಟೋವೊಂದನ್ನು ರಶ್ಮಿಕಾ ಹಂಚಿಕೊಂಡಿದ್ದಾಳೆ. ಅದರಲ್ಲಿ ಕಿರಿಕ್ ಹುಡುಗಿ ಕಾಣಿಸಿಕೊಂಡಿರುವ ಗೆಟಪ್ಪು ಕಂಡವರೆಲ್ಲ ಅಕ್ಷರಶಃ ಥ್ರಿಲ್ ಆಗಿದ್ದಾರೆ. ಮೈಸಾ ಈ ವರ್ಷದ ಬಹುನಿರೀಕ್ಷಿತ ಚಿತ್ರಗಳ ಸಾಲಿನಲ್ಲಿ ಈಗಾಗಲೇ ಜಾಗ ಪಡೆದುಕೊಂಡಿದೆ. ಈ ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಈ ಹಿಂದೆ ಎಂದೂ ಮಾಡಿರದಂಥಾ ಪಾತ್ರವೊಂದಕ್ಕೆ ಜೀವ ತುಂಬಿರೋದು ಈಗಾಗಲೇ ಸ್ಪಷ್ಟವಾಗಿದೆ. ಹಾಗೆ ನೋಡಿದರೆ, ಸಿನಿಮಾ ಆಯ್ಕೆಗಳ ವಿಚಾರದಲ್ಲಿ ರಶ್ಮಿಕಾ ಭಲೇ ಬುದ್ಧಿವಂತೆ. ಒಂದು ಸಿನಿಮಾ ಒಪ್ಪಿಕೊಂಡ ಮೇಲೆ ಅದಕ್ಕೆ ಸಮರ್ಪಿಸಿಕೊಳ್ಳೋ ಗುಣವೂ ಆಕೆಯಲ್ಲಿದೆ. ಅದಿಲ್ಲದಿದ್ದರೆ, ಮದುವೆ ಸಂಭ್ರಮದ ನಡುವೆಯೂ ಚಿತ್ರೀಕರಣಕ್ಕೆ ಹಾಜರಾಗುತ್ತಿರಲಿಲ್ಲ. ಇಂಥಾ ಹಾರ್ಡ್‌ವರ್ಕ್ ಇಲ್ಲದೆ ಒಂಬತ್ತು ವರ್ಷಗಳಲ್ಲಿ ಈ ಪರಿಯ ಗೆಲುವು ದಕ್ಕಲೂ ಸಾಧ್ಯವಿರುತ್ತಿರಲಿಲ್ಲ!

keywords: mysaa movie, rashmika mandanna, bollywood

The post Rashmika Mandanna: ಮದುವೆ ನಂತರ ಮಾಸ್ ಅವತಾರ! appeared first on Cini Shodha.

2008ರಲ್ಲಿ ಮುಂಬೈ ಮೇಲೆ ಭಯಾನಕ ಭಯೋತ್ಪಾದನಾ ದಾಳಿಯಾಗಿತ್ತು. ರಕ್ಕಸ ಭಯೋತ್ಪಾದಕರು ನಿರ್ದಾಕ್ಷಿಣ್ಯವಾಗಿ ಅದೆಷ್ಟೋ ಮಂದಿಯನ್ನು ಕೊಂದು ಕೆಡವಿದ್ದರು. ಈ ಸತ್ಯ ಘಟನೆಯನ್ನು ಆಧರಿಸಿ ಸಿನಿಮಾ ಒಂದು ತಯಾರಾಗಲಿದೆ. ಇದರ ಬಹುಮುಖ್ಯ ಪಾತ್ರದಲ್ಲಿ ನಟಿಸಲು ಕಂಗನಾ ರಾಣೌತ್ ಮುಂದಾಗಿದ್ದಾರೆಂಬ ಸುದ್ದಿ ಹರಿದಾಡುತ್ತಿದೆ. ಈ ದಾಳಿಯ ಸಂದರ್ಭದಲ್ಲಿ ಭಯೋತ್ಪಾದಕರು ಹೊಟೇಲ್ ಸೇರಿದಂತೆ ಅನೇಕ ಜನನಿಬಿಢ ಪ್ರದೇಶಗಳಲ್ಲಿ ದಾಳಿ ನಡೆಸಿ ಜನರನ್ನು ಕೊಂದಿದ್ದರು. ನಾನಾ ಕಾಯಿಲೆ, ಸಂಕಟದಿಂದ ನರಳುತ್ತಿರುವ ರೋಗಿಗಳೇ ತುಂಬಿದ್ದ ಆಸ್ಪತ್ರೆಯೊಂದಕ್ಕೂ ದಾಳಿ ನಡೆಸಿದ್ದರು.

kangana ranaut: ಕ್ಷೇತ್ರದಲ್ಲಿ ಪ್ರವಾಹ; ಬಿಟ್ಟಿ ಶೋಕಿಯ ಪ್ರತಾಪ!

ನರಳುವವರನ್ನು ಮತ್ತಷ್ಟು ಚಿತ್ರ ಹಿಂಸೆ ಕೊಟ್ಟು ಸಾಯಿಸಿದ್ದ ಈ ಘಟನೆಯ ಸುತ್ತ ಸದರಿ ಕಥೆ ಹಬ್ಬಿಕೊಂಡಿದೆಯಂತೆ. ವಿಶೇಷವೆಂದರೆ, ಇದರಲ್ಲಿ ಕಂಗನಾ ನರ್ಸ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರಕ್ಕೆ ಭಾರತ ಭಾಗ್ಯ ವಿಧಾತ ಎಂಬ ಶೀರ್ಷಿಕೆ ಕೂಡಾ ನಿಗಧಿಯಾಗಿದೆ. ಇದು ಹಿಂದಿ ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆಗೊಳ್ಳಲಿದೆಯಂತೆ. ಇನ್ನೇನು ಚಿತ್ರೀಕರಣ ಚಾಲೂ ಆಗಲಿದೆ. ಈ ಮೂಲಕವಾದರೂ ಪುಷ್ಕಳ ಗೆಲುವು ಸಿಕ್ಕೀತೆಂಬ ನಿರೀಕ್ಷೆ ಕಂಗನಾಗಿದ್ದಂತಿದೆ. ಯಾಕೆಂದರೆ, ತಲೈವಿ, ಎಮರ್ಜೆನ್ಸಿ ಮುಂತಾದ ಸಿನಿಮಾಗಳ ಮೂಲಕ ಕಂಗನಾ ಹೀನಾಯ ಸೋಲುಗಳನ್ನು ಕಂಡಿದ್ದಾರೆ. ಈ ಬಾರಿ ಸಂಸದೆಯೂ ಆಗಿರೋದರಿಂದ ಗೆಲ್ಲಲೇ ಬೇಕಾದ ಅನಿವಾರ್ಯತೆ ಕಂಗನಾ ಮುಂದಿದೆ!

keywords: kangana ranaut, kangana, bollywood, kangana ranaut upcoming movie updates

The post Kangana Ranaut: ಸತ್ಯ ಕಥೆಯತ್ತ ಸಂಸದೆಯ ಚಿತ್ತ! appeared first on Cini Shodha.

ರವಿತೇಜಾ ಅಭಿನಯಿಸಿದ್ದ ಚಿತ್ರವೊಂದು ಸಂಕ್ರಾಂತಿಯಂದು ತೆರೆಗಂಡಿತ್ತು. ಸಾಧಾರಣ ಗೆಲುವು ಪಡೆದಿದ್ದ ಆ ಸಿನಿಮಾ ಹೆಚ್ಚೇನೂ ಸದ್ದು ಮಾಡಿರಲಿಲ್ಲ. ಆದರೀಗ ಅಯ್ಯಪ್ಪ ಸ್ವಾಮಿಯ ಕಥಾ ಬಿಂದು ಹೊಂದಿರೋ ಇರುಮುಡಿ ಎಂಬ ಚಿತ್ರದಲ್ಲಿ ರವಿತೇಜಾ ಬ್ಯುಸಿಯಾಗಿದ್ದಾರೆ. ಈಗಾಗಲೇ ಪ್ರಿಯಾ ಭವಾನಿ ನಾಯಕಿಯಾಗಿ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಚಿತ್ರೀಕರಣ ಭರದಿಂದ ಸಾಗುತ್ತಿರುವಾಗಲೇ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಎರಡನೇ ನಾಯಕಿಯಾಗಿ ಆಗಮಿಸೋದು ಬಹುತೇಕ ಖಚಿತವಾಗಿದೆ. ಈ ಮೂಲಕ ಚಿತ್ರೀಕರಣ ಮತ್ತಷ್ಟು ವೇಗ ಪಡೆದುಕೊಂಡಿದೆ. ಆದರೆ, ತಮನ್ನಾ ಭಾಟಿಯಾ ಯಾವ ಪಾತ್ರ ಮಾಡುತ್ತಿದ್ದಾರೆ? ಅದರ ರೂಪುರೇಷೆಗಳೇನೆಂಬ ವಿಚಾರಗಳನ್ನು ಚಿತ್ರತಂಡ ಗೌಪ್ಯವಾಗಿಟ್ಟಿದೆ.

tamannah bhatia: ಇನ್ನು ಐದು ವರ್ಷ ಮಿಲ್ಕಿ ಬ್ಯೂಟಿ ಬ್ಯುಸಿ!

ಮೈತ್ರಿ ಮೂವಿ ಮೇಕರ್ಸ್ ಸಂಸ್ಥೆ ಈ ಚಿತ್ರವನ್ನು ಬಹುಕೋಟಿ ವೆಚ್ಚದಲ್ಲಿ ಅದ್ದೂರಿಯಾಗಿ ನಿರ್ಮಾಣ ಮಾಡುತ್ತಿದೆ. ಶಿವ ನಿರ್ವಣ ನಿರ್ದೇಶನ ಮಾಡುತ್ತಿರುವ ಸದರಿ ಚಿತ್ರ ದೇವರ ವರವೆಂಬಂತೆ ಜನಿಸಿದ ಮಗಳೊಬ್ಬಳನ್ನು ಕಾಪಾಡಿಕೊಳ್ಳಲು ತಂದೆಯೊಬ್ಬ ಶ್ರಮಿಸುವ, ಆಧ್ಯಾತ್ಮಿಕ ಅಂಶಗಳೊಂದಿಗೆ ಪಕ್ಕಾ ಮಾಸ್ ಅಂಶಗಳಿರುವ ಕಥೆ ಹೊಂದಿದೆಯಂತೆ. ಖುದ್ದು ರವಿತೇಜಾ ಹಲವಾರು ಸಂದರ್ಶನಗಳಲ್ಲಿ ತನಗೆ ಇರುಮುಡಿಯ ಬಗ್ಗೆ ಗಾಢ ಭರವಸೆ ಇರೋದಾಗಿ ಹೇಳಿಕೊಂಡಿದ್ದಾರೆ. ಈಗ ಅತ್ಯಂತ ವೇಗವಾಗಿ ಚಿತ್ರೀಕರಣ ಚಾಲೂ ಆಗಿದೆ. ಸದ್ಯಕ್ಕೆ ನಿರ್ಮಾಪಕರು ತಮನ್ನಾ ಜೊತೆ ಮಾತುಕತೆ ನಡೆಸಿದ್ದಾರೆ. ಇನ್ನೇನು ಕೆಲವೇ ದಿನಗಳಲ್ಲಿ ಮಿಲ್ಕಿ ಬ್ಯೂಟಿ ಚಿತ್ರೀಕರಣದಲ್ಲಿ ಭಾಗಿಯಾಗೋ ಸಾಧ್ಯತೆಗಳಿದ್ದಾವೆ.

keywords: tamannah bhatia, irumudi movie, raviteja, tollywood, irumudi movie

The post Irumudi Movie: ಇಬ್ಬರು ಸುಂದರಿಯರ ಜೊತೆ ಮಾಸ್ ರಾಜ! appeared first on Cini Shodha.

ಬಾದ್‌ಶಾ ಇತ್ತೀಚೆಗೆ ತಟೀರೀ ಎಂಬ ಶೀರ್ಷಿಕೆಯ ವೀಡಿಯೋ ಸಾಂಗ್ ಒಂದನ್ನು ರೂಪಿಸಿದ್ದ. ಇದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್ ಮಾಡುತ್ತಲೇ ಭಾರೀ ವಿವಾದ ಸೃಷ್ಟಿಯಾಗಿತ್ತು. ಇದರಲ್ಲಿ ಶಾಲಾ ಶಾಲಾ ವಿದ್ಯಾರ್ಥಿನಿಯರು ಸಮವಸ್ತ್ರದಲ್ಲಿಯೇ ಕುಣಿದಾಡುವ ದೃಷ್ಯಾವಳಿಗಳಿದ್ದವು. ಶಾಲಾ ಕಾಲೇಜು ಸಮವಸ್ತ್ರದಲ್ಲಿರುವ ವಿದ್ಯಾರ್ಥಿನಿಯರ ನೃತ್ಯ ಮತ್ತು ಅಶ್ಲೀಲ ಸಂಜ್ಞೆಗಳ ವಿರುದ್ಧ ಪ್ರಜ್ಞಾವಂತರು ಅಪಸ್ವರವೆತ್ತಿದ್ದರು. ನೋಡ ನೋಡುತ್ತಲೇ ವೀವ್ಸ್ ಅನ್ನೇ ಮೀರಿಸುವಂತೆ ವಿವಾದದ ತೀವ್ರತೆ ಹೆಚ್ಚಿಕೊಂಡಿತ್ತು. ಇದೆಲ್ಲವನ್ನೂ ನೋಡಿ ಕಂಗಾಲೆದ್ದಿರೋ ಬಾದ್‌ಶಾ ಇನ್‌ಸ್ಟಾಗ್ರಾಮ್ ಮೂಲಕ ಸಾಮೂಹಿಕವಾಗಿ ಕ್ಷಮೆ ಯಾಚಿಸಿದ್ದಾನೆ. ಇದಲ್ಲದೇ ಎಲ್ಲ ಮೂಲಗಳಿಂದಲೂ ಈ ಹಾಡನ್ನು ಡಿಲೀಟ್ ಮಾಡಿ ಬಚಾವಾಗಲೆತ್ನಿಸಿದ್ದಾನೆ.

ಬಾದ್ ಶಾ ಮತ್ತೋರ್ವ ರ್‍ಯಾಪರ್ ಯೋ ಯೋ ಹನಿಸಿಂಗ್ ಜೊತೆಗಿನ ಕಿತ್ತಾಟಗಳಿಂದಲೇ ಆರಂಭಿಕವಾಗಿ ಸದ್ದು ಮಾಡಿದ್ದವನು. ರ್‍ಯಾಪ್ ಜಗತ್ತು ಈವತ್ತಿಗೆ ಮಾಫಿಯಾ ಸ್ವರೂಪ ಪಡೆದುಕೊಂಡಿದೆ. ರ್‍ಯಾಪರ್‌ಗಳಲ್ಲಿ ಒಬ್ಬರನ್ನು ಕಂಡರೆ ಮತ್ತೊಬ್ಬರಿಗಾಗದ ವಾತಾವರಣವಿದೆ. ಕನ್ನಡದಲ್ಲಿಯೂ ಕೂಡಾ ರ್‍ಯಾಪರ್‌ಗಳ ಕಾಳಗ ಒಂದು ಹಂತದಲ್ಲಿ ಮೇರೆ ಮೀರಿಕೊಂಡಿತ್ತು. ಅಂಥಾದ್ದೊಂದು ಕಾಳಗ ಆರಂಭವಾದದ್ದು ಹನಿಸಿಂಗ್ ಮತ್ತು ಬಾದ್‌ಶಾ ಕದನದ ಮೂಲಕ. ಅದಾದ ಬಳಿಕ ರ್‍ಯಾಪ್ ನಲ್ಲಿ ಹೊಸಾ ಪ್ರಕಾರದತ್ತ ಹೊರಳಿಕೊಂಡಿದ್ದ ಬಾದ್‌ಶಾ, ತನ್ನ ಜವಾಬ್ದಾರಿ ಮರೆತು ಸದರಿ ಹಾಡಿನ ಮೂಲಕ ವಿವಾದವೆಬ್ಬಿಸಿದ್ದಾನೆ. ವಿಶೇಷವೆಂದರೆ ತಟೀರಿ ಹಾಡಿನ ವಿರುದ್ಧ ಬಾದ್‌ಶಾ ಅಭಿಮಾನಿಗಳೇ ಅಸಹನೆ ಹೊಂದಿದ್ದಾರೆ!

keywords: badshah, rapper, tatiri song, controvercy, bollywood

The post badshah controvercy : ರ್‍ಯಾಪ್ ಸಾಂಗ್ ಹೆಸರಲ್ಲಿ ಇದೆಂಥಾ ವಿಕೃತಿ? appeared first on Cini Shodha.

ಎಲ್ಲವೂ ಸೂಸೂತ್ರವಾಗಿ ಮುಂದುವರೆದಿದ್ದರೆ, ಈ ಹೊತ್ತಿಗೆಲ್ಲ ದೀಪಿಕಾ ಮತ್ತೊಂದಷ್ಟು ದೊಡ್ಡ ಗೆಲುವುಗಳೊಂದಿಗೆ ಮಿಂಚುತ್ತಿದ್ದಳು. ಆಕೆಯ ಕೈಯಲ್ಲಿ ಪ್ಯಾನಿಂಡಿಯಾ ಸಿನಿಮಾಗಳ ದೊಡ್ಡ ಪಟ್ಟಿಯೇ ಲಕಲಕಿಸುತ್ತಿತ್ತು. ಆದರೀಗ ಪದೇ ಪದೆ ದೀಪಿಕಾ ಪಡುಕೋಣೆ ದೊಡ್ಡ ಸಿನಿಮಾಗಳ ಅವಕಾಶ ಕೈತಪ್ಪಿಸಿಕೊಂಡ ಸುದ್ದಿಗಳೇ ಬಂದೆರಗಲಾರಂಭಿಸಿವೆ. ಆರಂಭದಲ್ಲಿ ಪ್ರಭಾಸ್ ನಟನೆಯ ಕಲ್ಕಿ ಚಿತ್ರಕ್ಕೆ ದೀಪಿಕಾ ನಾಯಕಿಯೆಂದು ಗುಲ್ಲೆದ್ದಿತ್ತು. ಆ ನಂತರದಲ್ಲಿ ಆ ಸಿನಿಮಾದಿಂದ ದೀಪಿಕಾ ಹೊರ ಬಂದ ಬಗ್ಗೆ ಸುದ್ದಿ ಜಾಹೀರಾಗಿತ್ತು. ಆ ಬಳಿಕ ಸ್ಪಿರಿಟ್ ಚಿತ್ರಕ್ಕೂ ದೀಪಿಕಾ ನಾಯಕಿ ಎಂಬಂಥಾ ಸುದ್ದಿ ಹಬ್ಬಿತ್ತಾದರೂ ಅದೂ ಸುಳ್ಳಾಗಿತ್ತು.

ಇದೀಗ ಹಾಲಿವುಡ್ಡಿನ ವೆಬ್ ಸೀರೀಸ್ ಒಂದಕ್ಕೂ ದೀಪಿಕಾ ಪಡುಕೋಣೆ ಒಲ್ಲೆ ಎಂದಿರೋ ಸುದ್ದಿ ಹೊರಬಿದ್ದಿದೆ. ಹಾಗಾದರೆ, ದೀಪಿಕಾ ಹೀಗೆ ವೃತ್ತಿ ಬದುಕಿಗೆ ಮುಳುವಾಗುವಂಥಾ ನಿರ್ಧಾರಗಳನ್ನು ಕೈಗೊಳ್ಳುತ್ತಿರೋದೇಕೆ? ಎಂಬ ಪ್ರಶ್ನೆ ಸಹಜವಾಗಿಯೇ ಕಾಡುತ್ತದೆ. ಅದಕ್ಕುತ್ತರವಾಗಿ ಕಾಣಿಸೋದು ಆಕೆಯ ಕಂಕುಳಲ್ಲಿರುವ ಪುಟ್ಟ ಕೂಸು. ದೀಪಿಕಾ ತನ್ನ ಮಗುವಿನ ಲಾಲನೆ ಪಾಲನೆಯಲ್ಲಿ ಬ್ಯುಸಿಯಾಗಿದ್ದಾಳೆ. ಈ ಕಾರಣದಿಂದ ಯಾವ ಅವಕಾಶ ಬಂದರೂ ಕೂಡಾ ಇಂತಿಷ್ಟು ಗಂಟೆಗಳ ಕಾಲ ಮಾತ್ರವೇ ಚಿತ್ರೀಕರಣದಲ್ಲಿ ಭಾಗಿಯಾಗುವ ಷರತ್ತು ಹಾಕುತ್ತಿದ್ದಾಳೆ. ಬಿಗ್ ಬಜೆಟ್ಟಿನ ಸಿನಿಮಾಗಳ ಸಮಯಕ್ಕೂ, ದೀಪಿಕಾ ಸಮಯಕ್ಕೂ ಹೊಂದಾಣಿಕೆಯಾಗದೆ ಇದುವರೆಗೂ ಮೂರ್ನಾಲಕ್ಕು ಸಿನಿಮಾ ಅವಕಾಶ ಕೈತಪ್ಪುವಂತಾಗಿದೆ. ಈಕೆ ಸಾಂಸಾರಿಕ ಜಂಜಡದಲ್ಲಿಯೇ ಕಳೆದು ಹೋಗುತ್ತಾಳಾ ಅಥವಾ ಇಷ್ಟರಲ್ಲೇ ಮತ್ತೆ ಫಾರ್ಮಿಗೆ ಮರಳುತ್ತಾಳಾ ಎಂಬಂಥಾ ಆತಂಕವೀಗ ಅಭಿಮಾನಿಗಳನ್ನು ಕಾಡಲಾರಂಭಿಸಿದೆ.

keywords: deepika padukone, bollywood, actress life

The post Deepika Padukone: ಪಡುಕೋಣೆಯ ಪಡಿಪಾಟಲಿಗೆ ಕಂಕುಳಲ್ಲಿರೋ ಮಗು ಕಾರಣ! appeared first on Cini Shodha.

ಅದೇನು ನಾಯಕಿಯರ ದಂಡು ನೆರೆದರೆ ಸಿನಿಮಾ ಗೆಲ್ಲುತ್ತದೆಂಬ ಮೂಢ ನಂಬಿಕೆಯೋ, ಮುಖದ ಚಹರೆಯನ್ನೇ ಬದಲಿಸಿಕೊಂಡಿದ್ದ ಪ್ರಭಾಸನ ಅವಸ್ಥೆಯನ್ನು ಮ್ಯಾನೇಜು ಮಾಡುವ ಬುದ್ಧಿವಂತಿಕೆಯೋ ಗೊತ್ತಿಲ್ಲ; ನಿರ್ದೇಶಕ ಮೂವರು ನಾಯಕಿಯರನ್ನು ಆಯ್ಕೆ ಮಾಡಿಕೊಂಡಿದ್ದ. ಮಾಲವಿಕಾ ಮೋಹನನ್, ಕಾಜಲ್ ಅಗರ್ವಾಲ್ ಮತ್ತು ರಿದ್ಧಿ ಕುಮಾರ್ ಪ್ರಭಾಸ್ ಜೊತೆ ನಟಿಸಿದ್ದರು. ಪ್ರಭಾಸನ ವೃತ್ತಿ ಬದುಕು ಅದೆಷ್ಟೇ ಪಾತಾಳ ಕಂಡರೂ, ಆತನ ಜೊತೆ ನಾಯಕಿಯಾಗಿ ನಟಿಸೋ ಕ್ರೇಜ್ ಈ ಕ್ಷಣಕ್ಕೂ ಹಾಗೇ ಇದೆ. ಹೇಳಿಕೇಳಿ ರಾಜಾಸಾಬ್ ಬಿಗ್ ಬಜೆಟ್ ಚಿತ್ರವಾದ್ದರಿಂದ ದೊಡ್ಡ ಗೆಲುವು ಗ್ಯಾರೆಂಟಿ ಎಂದೇ ಈ ಮೂವರು ನಾಯಕಿಯರು ಅಂದುಕೊಂಡಿದ್ದರು. ಈ ಮೂವರೂ ಕೂಡಾ ವೃತ್ತಿ ಬದುಕಿನಲ್ಲಿ ಒಂದಷ್ಟು ಏರಿಳಿತಗಳನ್ನು ಅನುಭವಿಸಿದ್ದಾರೆ. ಈ ಕಾರಣದಿಂದಲೇ ರಾಜಾಸಾಬ್ ತೆರೆಗಂಡ ನಂತರ ಅವಕಾಶಗಳ ಹೆಬ್ಬಾಗಿಲೇ ತಮ್ಮ ಮುಂದೆ ತೆರೆದುಕೊಳ್ಳುತ್ತದೆಂಬ ಗಾಢ ನಂಬಿಕೆ ಈ ಮೂವರಲ್ಲಿಯೂ ಇದ್ದಂತಿತ್ತು.

ಆದರೆ, ರಾಜಾ ಸಾಬ್ ತೆರೆಗಂಡ ನಂತರ ಈ ಮೂವರು ಸುಂದರಿಯರು ತ್ರಿಶಂಕು ಸ್ಥಿತಿ ತಲುಪಿಕೊಂಡಿದ್ದಾರೆ. ಎಲ್ಲೆಡೆಗಳಲ್ಲಿಯೂ ನಕಾರಾತ್ಮಕ ವಿಚಾರಗಳೇ ಹಬ್ಬಿಕೊಳ್ಳುತ್ತಿವೆ. ಪ್ರಭಾಸ್‌ನಂಥಾ ಪ್ರಭಾಸ್ ಪಾತ್ರವೇ ಮಂಕಾಗಿರುವಾಗ ಇನ್ನು ನಾಯಕಿಯರು ಮಿಂಚಲು ಸಾಧ್ಯವೇ. ಟಾಲಿವುಡ್ಡಿನಲ್ಲಿ ಈಗ ಹಬ್ಬಿಕೊಂಡಿರುವ ವಿಚಾರಗಳನ್ನಾಧರಿಸಿ ಹೇಳೋದಾದರೆ, ಕಾಜಲ್ ಅಗರ್ವಾಲ್, ರಿದ್ಧಿ ಕುಮಾರ್ ಮತ್ತು ಮಾಲವಿಕಾ ರಾಜಾಸಾಬ್ ಚಿತ್ರೀಕರಣದ ಹಂತದಲ್ಲಿ ಬಂಷದಿದ್ದ ಒಂದಷ್ಟು ಅವಕಾಶಗಳನ್ನೇ ಕಡೆಗಣಿಸಿದ್ದಾರೆ. ಹೇಗೂ ರಾಜಾಸಾಬ್ ಗೆಲ್ಲುತ್ತೆ. ಆ ನಂತರ ಅವಕಾಶದ ಹೊಳೆಯೇ ಹರಿಯುತ್ತೆಂಬುದು ಅವರೆಲ್ಲರ ನಂಬಿಕೆಯಾಗಿತ್ತು. ಆದರೀಗ ಅಂಥಾ ನಂಬಿಕೆಯನ್ನು ರಾಜಾಸಾಬ್ ಛಿದ್ರಗೊಳಿಸಿದ್ದಾನೆ. ಅವಕಾಶ ಕೇಳಿಕೊಂಡು ಹೊರಡುವಂತಿಲ್ಲ; ಹೊಸದ್ಯಾವುದೂ ಹತ್ತಿರ ಸುಳಿಯುತ್ತಿಲ್ಲ… ಪ್ರಭಾಸ್ ನಂಥಾ ಸ್ಟಾರ್‌ಗಳ ಸಿನಿಮಾವೊಂದು ಸೋತರೆ ಅದೆಷ್ಟೋ ಮಂದಿಯ ಜೀವನ ಅಡಕತ್ತರಿಗೆ ಸಿಲುಕಿ ಬಿಡುತ್ತೆ!

keyword: rajasaab, malavika mohanan, riddi kumar, kajal agrwal, prabhas

The post Rajasaab Movie: ರಾಜಾಸಾಬ್ ನಾಯಕಿಯರ ಮುಂದೆ ಗೊಂದಲದ ನಾಕಾಬಂಧಿ! appeared first on Cini Shodha.

ಇದೀಗ ಭಾರತೀಯ ಸಂಗೀತ ಕ್ಷೇತ್ರದ ಮೇರು ಗಾಯಕಿ ಎಂ.ಎಸ್ ಸುಬ್ಬುಲಕ್ಷ್ಮಿ ಅವರ ಬಯೋಪಿಕ್ ಚಿತ್ರದಲ್ಲಿ ನಟಿಸೋ ಅವಕಾಶ ಸಾಯಿಪಲ್ಲವಿಗೆ ಕೂಡಿ ಬಂದಿದೆ. ಇಂಥಾ ಅಭಿಜಾತ ಕಲಾವಿದೆಯ ಜೀವನಾಧಾರಿಕ ಕಥೆಯಲ್ಲಿ ಪಾತ್ರವಾಗಬೇಕೆಂಬುದು ಅನೇಕ ನಟಿಯರ ಜೀವಮಾನದ ಕನಸು. ಅಂಥಾದ್ದೊಂದು ಅವಕಾಶ ತಾನೇ ತಾನಾಗಿ ಸಾಯಿಪಲ್ಲವಿಗೆ ಲಭಿಸಿದೆ. ಸದ್ಯದ ಮಟ್ಟಿಗೆ ಭಾರತೀಯ ಚಿತ್ರರಂಗದಲ್ಲಿ ದೊಡ್ಡ ಮಟ್ಟದಲ್ಲಿ ನಿರೀಕ್ಷೆ ಮೂಡಿಸಿರುವ ರಾಮಾಯಣ ಚಿತ್ರದಲ್ಲಿ ಸಾಯಿಪಲ್ಲವಿ ಸೀತೆಯಾಗಿ ನಟಿಸುತ್ತಿದ್ದಾರೆ. ಅದರ ಬೆನ್ನಲ್ಲಿಯೇ ಕಲ್ಕಿ ಸೀಕ್ವೆಲ್‌ನಲ್ಲಿ ಪ್ರಭಾಸ್ ಜೊತೆ ನಟಸಲೂ ತಯಾರಾಗಿದ್ದಾರೆ. ಇದೆಲ್ಲದರ ನಡುವಲ್ಲಿಯೇ ಸುಬ್ಬುಲಕ್ಷ್ಮಿ ಅವರ ಜೀವನಾಧಾರಿತ ಕಥನದ ಭಾಗವಾಗಲು ಸಾಯಿಪಲ್ಲವಿ ತಾಲೀಮು ಶುರುವಿಟ್ಟಿದ್ದಾರೆ.

Sai Pallavi: ಏಕ್ ದಿನ್ ಟೀಸರ್‌ನಲ್ಲಿ ಅಂಥಾದ್ದೇನಿದೆ?

ಈಗಾಗಲೇ ಚಿತ್ರತಂಡ ಸದರಿ ಸಿನಿಮಾದ ಪೂರ್ವಭಾವಿ ತಯಾರಿಯಲ್ಲಿ ತೊಡಗಿಸಿಕೊಂಡಿದೆ. ಸುಬ್ಬುಲಕ್ಷ್ಮಿ ಜೀವಿಸಿದ್ದ ಕಾಲಘಟ್ಟಕ್ಕೆ ಹೊಂದಿಕೆಯಾಗುವಂಥಾ ಕಾಸ್ಟ್ಯೂಮ್ ಡಿಸೈನಿಂಗ್ ಕಾರ್ಯ ಭರದಿಂದ ಸಾಗುತ್ತಿದೆ. ಇದರ ಪಾತ್ರವನ್ನು ಆವಾಹಿಸಿಕೊಳ್ಳಲು ದಿನದಲ್ಲೊಂದಷ್ಟು ಸಮಯವನ್ನು ಸಾಯಿಪಲ್ಲವಿ ಮೀಸಲಿಟ್ಟಿದ್ದಾರಂತೆ. ಇದೀಗ ರಾಮಾಉಯಣ ಚಿತ್ರದತ್ತ ಗಮನ ಕೇಂದ್ರೀಕರಿಸಿರುವ ಈಕೆ, ಅದಾದ ನಂತರ ಕಲ್ಕಿ ಸೀಕ್ವೆಲ್ ಚಿತ್ರವನ್ನು ಮುಗಿಸಿಕೊಳ್ಳಬೇಕಿದೆ. ಕಲ್ಕಿಯ ನಂತರದಲ್ಲಿ ಸುಬ್ಬುಲಕ್ಷ್ಮಿ ಜೀವನಾಧಾರಿತ ಕಥನದ ಚಿತ್ರೀಕರಣ ಚಾಲೂ ಆಗಲಿದೆ. ಇದೆಲ್ಲದರ ಜೊತೆ ಜೊತೆಗೇ ಮತ್ತೊಂದಷ್ಟು ದೊಡ್ಡ ಪ್ರಾಜೆಕ್ಟುಗಳೂ ಸಾಯಿಪಲ್ಲವಿಗಾಗಿ ಕಾದು ಕೂತಿವೆ. ಒಟ್ಟಾರೆಯಾಗಿ ಮೊಡವೆ ಸುಂದರಿ ಪಾಲಿಗಿದು ವೃತ್ತಿಬದುಕಿನ ಪರ್ವಕಾಲ ಅನ್ನೋದರಲ್ಲಿ ಯಾವ ಸಂಶಯವೂ ಇಲ್ಲ! 

keywords: sai pallavi, bollywood, ms subbulakshmi biopic

The post Sai Pallavi: ವಿಶಿಷ್ಟ ಪಾತ್ರಕ್ಕೆ ಅಣಿಗೊಳ್ಳುತ್ತಿರೋ ಸಾಯಿಪಲ್ಲವಿ! appeared first on Cini Shodha.

ಇಂಥಾ ಸುದ್ದಿಗಳು ಸೋಶಿಯಲ್ ಮೀಡಿಯಾ ತುಂಬೆಲ್ಲ ಹಬ್ಬಿಕೊಳ್ಳುತ್ತಲೇ ಸದರಿ ಚಿತ್ರದ ನಿರ್ಮಾಪಕರು ಎಚ್ಚೆತ್ತುಕೊಂಡಿದ್ದಾರೆ. ಅದರನ್ವಯ ಹೇಳೋದಾದರೆ, ಈ ಚಿತ್ರಕ್ಕೆ ಇನ್ನೂ ತಾರಾಗಣ ಆಯ್ಕೆ ಕಾರ್ಯ ಶುರುವಾಗಿಲ್ಲ. ಅಲ್ಲು ಅರ್ಜುನ್ ನಾಯಕ ಅನ್ನೋದ್ನ್ನು ಹೊರತುಪಡಿಸಿದರೆ, ಮಿಕ್ಕ ಪಾತ್ರಗಳಿಗೆ ಕಲಾವಿದರು ನಿಕ್ಕಿಯಾಗಿಲ್ಲ. ಅಷ್ಟಕ್ಕೂ ತಾರಾಗಣದ ಆಯ್ಕೆ ಕಾರ್ಯ ಇನ್ನಷ್ಟೇ ನಡೆಯಬೇಕಿದೆ. ನಾಯಕಿಯ ಆಯ್ಕೆಯಂತೂ ನಡೆದೇ ಇಲ್ಲ. ಬೆಂಕಿಯಿಲ್ಲದೆ ಹೊಗೆಯಾಡೋದಿಲ್ಲ ಎಂಬ ಪುರಾತನ ಫಾರ್ಮುಲಾವನ್ನು ಆಧರಿಸಿ ನೋಡ ಹೋದರೂ, ಶ್ರದ್ಧಾ ಕಪೂರ್‌ಳನ್ನು ಈ ಸನಿಮಾದ ನಾಯಕಿಯನ್ನಾಗಿಸುವ ಚರ್ಚೆಯೇ ನಡೆದಿಲ್ಲವೆಂಬ ವಿಚಾರವೂ ಜಾಹೀರಾಗುತ್ತೆ.

Seat Edge Movie: ಘೋಸ್ಟ್ ಹಂಟರ್ ದುರಂತ ಅಂತ್ಯ ಮತ್ತು ಸೀಟ್ ಎಡ್ಜ್ ಆರಂಭ!

ಹೀಗಿರೋದರಿಂದ ಶ್ರದ್ಧಾ ಕಪೂರ್ ಈ ಚಿತ್ರದ ನಾಯಕಿ ಎಂಬಂಥಾ ಕಪೋಲಕಲ್ಪಿತ ಸುದ್ದಿಗೆ ಕಿವಿಗೊಡಬೇಡಿ ಅಂತಲೂ ನಿರ್ಮಾಪಕರು ಮನವಿ ಮಾಡಿಕೊಂಡಿದ್ದಾರೆ. ಹಾಗಾದರೆ, ನಾಯಕಿಯನ್ನು ಹುಡುಕೋ ಕಾರ್ಯವೇ ಚಾಲೂ ಆಗಿಲ್ಲವಾ ಅಂತ ನೋಡಹೋದರೆ, ನಿರ್ದೇಶಕ ಲೋಕೇಶ್ ಕನಗರಾಜ್ ಪುಷ್ಪರಾಜ್‌ಗೆ ಸರಿಕಟ್ಟಾದ ಜೋಡಿ ಹುಕಲು ಶತ ಪ್ರಯತ್ನ ನಡೆಸುತ್ತಿದ್ದಾರೆ. ಈ ಪಾತ್ರಕ್ಕೆ ಒಗ್ಗುವಂಥಾ, ಅಲ್ಲು ಸ್ಟಾರ್‌ಡಮ್‌ಗೆ ಸರಿ ಹೊಂದುವಂಥಾ ನಾಯಕಿಯನ್ನು ಹುಡುಕುತ್ತಾ ಹೈರಾಣಾಗಿದ್ದಾರೆ. ಅಂತೂ ಬಾಲಿವುಡ್ ದಿಕ್ಕಲ್ಲಿ ಈ ಹುಡುಕಾಟವಿರೋದು ನಿಜ. ಈ ಬಾರಿ ಅಲ್ಲೂ ಅರ್ಜುನ್‌ಗೆ ಜೋಡಿಯಾಗಿ ಬಾಲಿವುಡ್ ಹುಡುಗಿ ಮಿಂಚೋದು ಪಕ್ಕಾ ಎಂಬ ಸುದ್ದಿ ಸದ್ಯಕ್ಕೆ ತೆಲುಗು ಚಿತ್ರರಂಗದಲ್ಲಿ ಹರಿದಾಡುತ್ತಿದೆ.

keywords: alluarjun, tollywood, lokeshkangaraj, pushpa, pushpa2

The post Allu Arjun New Movie Updates: ಅಲ್ಲೂ ಅರ್ಜುನ್‌ಗೆ ಜೋಡಿಯಾಗಲಿರೋ ನಟಿಯಾರು? appeared first on Cini Shodha.